Judith Jáuregui pianistak eta Ana María Valderrama biolinistak lehen aldiz bat egingo dute agertokian, unean uneko emozioaren eta musikaren iraunkortasunaren artean bidaiatzera gonbidatzen duen errezitaldia eskaintzeko.

Emanaldia Arvo Pärten Fratres lanarekin hasiko da, hausnarketarako eta baitaratzeko gunea proposatzen duen espiritualtasun sakoneko piezarekin, alegia. Hasierako atmosfera horretatik abiatuta, kontzertuan biolin eta pianorako errepertorioko obra ezagun batzuk eskainiko dituzte, hala nola Karol Szymanowskiren Sonata eta Gabriel Fauréren Lehen Sonata, adierazkortasun handiko eta edertasun finduko bi lan.

Horrez gain, Clara Schumannek idatzitako Hiru Erromantzak konposizioaren begirada intimo eta poetikoa eskainiko digute, eta, hala sentsibilitatez, lirismoz eta adierazkortasunez, musikaren edertasun atenporalari omenaldi bat egingo diote.