Sara Grajal, Sibel Berra, Maider Biguri eta Amaia Garrizek osatzen dute The Spolem Girls. Christmas Show ikuskizunarekin, publikoa 60ko hamarkadara eramaten dute, soularen klasiko handiak, Gabonetako abesti ezagunak eta gospel kantak uztartzen dituen errepertorioarekin. Zuzeneko banda indartsua osatzen dute Andoni Etxebestek (bateria), Jorge Luengok (baxua), Daniel Fernándezek (gitarra), Álex Harok (saxoa) eta Iñaki Miguelek, pianoan eta zuzendaritzan.