Eta tramankulu honen ondoan, Greta ikusten dugu... andere xahar maitagarri bat, bere liburu eta ipuinen liburutegi txikian entretenitua. Adina eta osasun delikatua gorabehera, Greta ustekabekoa da, bitxia, apetatsua, fantasiosoa... Eta makina, berriz, jostailu handi bat bezalakoa, liburuen fantasia birsortzeko. Pina zaintzailea katramilatzen du, istorioen eta pertsonaien artean. Makinak Gretaren gustuko egoerak sortzen ditu, fantasiazkoak... Literaturako pertsonaia misteriotsu eta unibertsalak, mila eta bat gauetako lanpara zoragarriak, eta bidaia fantastikoak munduaren inguruan. Horiek guztiak agertoki aproposak dira birsortzeko eta jolasteko.