Bernaola Zikloaren XXIII. edizioak 16 kontzertuk osatutako proposamen ausart eta anitza aurkeztu du, gaur egungo soinuak arakatzeko gonbidapena egingo duena. Urriaren 25etik otsailaren 28ra arte, kokapen desberdinetan ibiliko dira, guztiak esperientzia paregabea eskaintzeko aukeratuak, arkitektura eta abangoardia musikala uztartuz. 

Ensemble Sinkro

Programa Carmelo Bernaolarekin hasi eta ixten da, haren heriotzaren 25. urteurrenaren harira eta jaio zeneko mendeurrenaren atarian.

PER DUE eta ARGIA EZTA IKUSTEN obretan, bitarteak gai bizidun bihurtzen dira: hedatzen, uzkurtzen eta kateatzen diren zelulak sortzen dituzte, tresnen arteko elkarrizketari forma emanez. Lehenak interprete bakoitzak ganbera-musikan betetzen duen eginkizuna aztertzen du; bigarrenak, berriz, Gabriel Aresti poetaren bertso batetik hartzen ditu izenburua zein giroa, eta euskal folklorearen oihartzunak iradokitzen ditu, modu estilizatuan iradoki ere.