Fluxu 2026 - Arte Garaikidearen Zirkuitua Nafarroan egitarauaren barruan.
Nire praktika artistikoa diziplina anitzetatik garatzen dut, hainbat baliabide eta lengoaia aztertuz, hala nola argazkigintza, bideoa eta instalazioa, besteak beste. Horiek guztiek eguneroko elementuak eszenaratzeko balio didate, eta hala aztertzen dut edertasuna, ospakizuna eta erritua nola lotzen diren eta nola ahalbidetzen didaten inguruarekin interakzio berri bat izatea. Nire ustez materiarekin eta irudiarekin egindako ikerketa da gure inguruneari begiratzeko eta hura interpretatzeko ditugun moduak zalantzan jartzeko bidea. Begirada hotzetik urrun, proposamen hau nire burua Cascante herriarekin eta bertako kontakizunekin lotzeko aukera bat da. Bide ematen dit obra bat aurkezteko, Cascanterako propio pentsatua, aintzat hartuz bertan jaso dudana, bere askotariko dimentsioetan.
