Funamviolistas Sinfonikoa, Baluarte Fundazioaren Baluarte Txiki 26-27 zikloko seigarren eta azken ikuskizuna, Nafarroako Orkestra Sinfonikoaren eta The Funamviolistas taldearen eskutik helduko da.

Bizitza osoa musikari eskaini zioten hiru emakume, beren ibilbideetako une gorenean ametsak eta ilusioak ezerezean gelditu zirenak, kaleratze-gutun bat jasotzean.

Bakoitzak bere arrazoiengatik, eta bakardadearen eta ezezagunari zaion beldurraren amildegiaren aurrean, ez errenditzea erabakiko dute. Proiektu berririk ez dutenez, kaleko musikari moduan hasiko dute ibilbide berria.

Bide horretan, batetik, ohartuko dira ez daudela bakarrik, eta, bestetik, zoritxarraren aurrean gizakiak batzen dituen hobetzeko espiritua eta adiskidetasunaren benetako balioa aurkituko dute. Gizakiaren emozioetan egiten den paseoa, musika-errepertorio egoki batekin.
 

Errebelazio-ikuskizun onenaren Arte Eszenikoen MAX Saria

IRAUPENA: 55 MIN.