Museo monografiko gisa ia 35 urtean lanean aritu ondoren, Arabako Arkeologia Museoa, 2009ko udaberritik, BIBAT museo gune berrian kokatu da.

Bere erakusketa iraunkorrean 1.500 objektu inguru daude erakusgai, Arabaren historia azaltzen dutenak Historiaurretik Erdi Arora bitartean.

Hala ere, museoak bere funtsetan bilduma askoz aberatsagoa gordetzen du, XIX. mende bukaeratik Arabako Lurralde Historikoan egindako indusketa arkeologiko guztien materialak jasotzeko tokia delako gaur egun.