Gasteizko Jazz Jaialdia 2024: egitaraua

Vitoria-Gasteiz 2024(e)ko uztailaren 15(e)tik 2024(e)ko uztailaren 20(e)ra
  • Gasteizko Jazz Jaialdia 2024: egitaraua

Chucho Valdés eta Pablo Martín Caminero Vitoria-Gasteizko Jazz Jaialdiaren 47. edizioarekin bat egin duten lehen bi izenak dira. Bi musikariek bi proposamen interesgarri dituzte, Jaialdiaren filosofiari erantzuten diotenak: jazz zaleei mundu mailako proiekzio handiko interpreteak eta talentu gazte eta kalitate frogatuko formazio berritzaileak eskaintzea.

50 urte igaro dira Chucho Valdések Irakere sortu zuenetik, jazza, rocka, musika klasikoa eta Kubako erritmo herrikoiak uztartuz, musika afrokubatarra irauli zuen taldeak. Formazio hau, Orquesta Cubana de Música Moderna delakotik sortua, 2005era arte egon zen jardunean eta bertatik lau musikari belaunaldi pasa dira, ondoren bakarlari bezala karrera handiak egin dituztenak. 82 urterekin, Chucho Valdések horietako batzuk bildu ditu Kubako bandaren omenaldi honetan.

Piano jotzaile, konpositore eta arrreglista kubatarrak sari ugari eskuratu ditu (7 Grammy eta 6 Grammy Latino), eta José A. Golak (baxu elektrikoa eta akustikoa), Horacio Hernándezek (bateria) eta Roberto Jr-ek osatutako taldearen buru da, Vizcaino Torre (perkusioa), Eddie de Armas Jr. (tronpeta), Osvaldo Fleites (tronpeta), Luis Beltrán (saxofoia), Carlos Averhoff Jr. (saxofoia), eta Ramón Alvarez abeslaria barruan ere sartzen.

Ospakizun kubatar hau (larunbata, 20an, Mendizorrotzan), agertoki nagusian, Pablo Martín Caminerok inauguratuko duen Jaialdi baten amaiera izango da. Pablo Martín Caminero bere jaioterrira proiektu esklusibo bat aurkeztera, big band batekin batera, itzuliko da.

NDR Bigband Hanburgoko irrati publikoaren jazz talde bat da, 17 kidez osatua, eta horiei bakarlari gonbidatuak gehitzen zaizkie, hala nola, Pablo Martín Camineroren hirukotea, Moisés Sánchez eta Borja Barruetarekin batera. Lankidetza hori Alemaniako taldeak kontrabaxu jotzailearen konposizioei moldaketak egin eta big band batera egokitzeko egindako proposamen baten ondorioz sortu zen.

Hanburgon izandako esperientzia arrakastatsuaren ondoren, Pablo Martín Caminerok interpretazio hori berpizten du Vitoria-Gasteizko Jazz Jaialdirako, bere hirukotearekin eta NDR Bigbanderekin Geir Lysneren zuzendaritzarekin eta moldaketekin.

Mendizorrotzako kontzertuen irekiera eta amaiera iragarri ondoren, Vitoria-Gasteizko Jazz Jaialdiaren antolakuntzak datozen egunetan 47. edizioaren gainerako berrespenen berri emango du. Edizio honek proposamen interesgarriak aurkitzearen alde, eta, aldi berean, publiko orokorrak ezagutzen dituzten jazz-interpreteez gozatzearen alde egiten du.

Cecile McLorin Salvant eta Terri Lyne Carrington

Emakumeen talentua ugaritzeak jazza genero musikala baino gehiago dela, emakumeak ahalduntzeko eta adierazteko gunea dela erakusten du. Horrela ulertu du Vitoria-Gasteizko JazzJaialdiak, inoiz baino femeninoagoa den 47. edizioarekin, kalitate ukaezina duten interpreteekin, hala nola Cécile McLorin Salvant eta Terri Lyne Carrington.

Hamar urte igaro dira Sarah Vaughanen miresle gazte batek Principal Antzokia bete zuela, urtebete lehenago Jacky Terrasonen taldeko kide gisa Vitoria-Gasteizko publikoa liluratu ondoren. Harrez geroztik, Cécile Mclorin SalvantJazz Jaialdiko zaletuek gehien miresten duten ahotsetako bat bilakatu da, eta ostegunean, hilak 18, berriro entzuteko aukera izango du Mendizorrotzako kiroldegian.

McLorin Salvant Sullivan Fortner pianistarekin dator, 2019ko ahots-jazzeko disko onenaren Grammy saria jaso duen bikotearekin. Abeslari ipar amerikanoak bere azken diskoa, “Mélusine” aurkeztuko du, jazz munduan bere estatusa talentu berezi gisa are gehiago finkatzen duenak. Bere interpretazio ñabartuen eta moldaketa berritzaileen bidez, entzuleak xarma musikaleko mundu batera gonbidatzen ditu, non nota bakoitzak edertasun hunkigarri batez durundi egiten du. “Mélusine” Cécile McLorin Salvanten artearen testigantza bat da, eta nahitaezko entzuketa jazzaren zaleentzat zein musikazaleentzat.

Cecile McLorin Salvant y Terri Lyne Carrington afianzan el cartel del Festival de Jazz de Vitoria-Gasteiz<br />
Egun bat lehenago, hilaren 17an, asteazkena, Terri Lyne Carrington bateria-jotzaile, konpositore, ekoizle eta abeslaria Vitoria-Gasteizen aurkeztuko da. Musikan eskarmentu handia du -Herbie Hancocken bandako kide izan zen azken urteetan-, eta Berklee College of Musiceko irakaslea da.

Gainera, jazzean genero berdintasunaren aldeko aktibista bikaina da. “New Standards Vol.1” albuma musikan ere patriarkatua amaitzeko asmoen adierazpena da, emakumeek osatutako estandar berriak proposatzen baititu.

Mary Lou Williams bezalako irudi ikonikoen konposizioekin eta Esperanza Spalding bezalako berritzaile modernoekin, proiektuak jazzaren kanona birmoldatzen du, inklusioaren alde eginez eta panorama musikal adierazgarriagoa duen etorkizuna irudikatuz.

Datozen egunetan, Vitoria-Gasteizko Jazz Jaialdiak bere programazioa osatuko du eta sarreren eta abonuen salmenta data zehatza iragarriko du, martxoaren hirugarren asterako aurreikusita.

 

Michel Camilok eta Tomatitok “Spain forever Again” lan berria aurkeztuko dute

Michel Camilok eta TomatitoSpain forever Again lan berria Vitoria-Gasteizko Jazz Jaialdian aurkeztuko dute.

Spain (2000), Spain again (2006) eta Spain Forever (2016) lanen ondoren, egungo jazzaren interesgarrienetako bat den bikote honek berriro proiektu bat sortu du, jazza eta flamenkoa modu naturalean uztartzen dituen harreman musikala sendotzeko.

Dominikar piano-joleak eta andaluziar gitarra-jotzaileak duela hiru hamarkada bat egin zuten eszenatoki batean eta, geroztik, maiz kolaboratzen dute. Uztailaren 19an, ostirala, Vitoria-Gasteizen aurkeztuko duten disko berri honek bien arteko kimikak funtzionatzen jarraitzen duela erakusten du eta pianoaren eta gitarraren arteko elkarrizketa etengabea, intimoa eta jostagarria dela.


Laburrean

  • Mota Jaialdia
  • Data 2024(e)ko uztailaren 15(e)tik 2024(e)ko uztailaren 20(e)ra
  • LekuaVitoria-Gasteiz
  • Sarrerak Erosi

Non