Talde nafarrak "Aaztiyen" izeneko hirugarren diskoa kaleratu berri du. Lan berri honetan, tradizioa eszeptizismoarekin eta emozioekin uztartzen ditu, asmo probokatzaile argiarekin. Sonoritate berri bat ere aurkezten du Zetak, gure mugetatik haratago iristea bokazio duen unibertso kontzeptualarekin nahastuta.
Aaztiyen beste inon sor ezin zitekeen diskoa da. Alde batetik, euskaraz pentsatua eta euskaraz aurkezteko landua delako, baina, gainera, proiektua Reparazen esperientzia, leku, ideia eta bizipen pertsonaletan oinarrituta dagoelako.
Foru plazako azken gauean Itzulera, Zeinen ederra izango den edo Hitzeman bezalako abesti indartsuak entzungo dira.
