ROCK ON TOP 2026 - Rockumentalen zikloaren barne.
Proiekzioa jatorrizko bertsioan gaztelerazko azpidatziekin
2017ko Q Awards-en saritutako film honek Sleaford Mods bikotearen ibilbide gorakorra dokumentatzen du, Nottingham-eko jatorri xumetik hasi eta gaur egungo musikaren ahots kritikoenetako bat bihurtu arte.
Jason Williamson eta Andrew Fearn ardatz hartuta, filmak birako irudiak, elkarrizketak eta eguneroko uneak uztartzen ditu, eta haien estilo gordina islatzen du, prekaritatea, politika eta Ingalaterra garaikideko bizitza lantzen dituzten letra zorrotzek markatua. Dokumental musikala baino gehiago, industriaren arauak zalantzan jartzen dituen eta benetakotasunetik publikoarekin konektatzen duen banda baten erretratua da.
Dokumentalaren aurkezpena: Helena González (Zinhezba)
Gainera, Rock on Top-en bosgarren edizio honetan, dokumentalak ikustera hurbiltzen diren pertsonek bi esperientzia bikoitz irabazi ahal dute zozketa bidez. Esperientzia bakoitzak tour backstage barne hartzen du, bata eikainaren 19rako (ostirala) eta bestea 20rako (larunbata), Azkena Rock Festivalen. Gasteizko Mendizabaleko gune ikonikoan sartzera eta egun horretako programatutako taldeekin gozatzera gonbidatzen zaitugu.
Dokumental-zikloaren azken emanaldia amaitutakoan egingo da zozketa, No somos nada, dokumentalaren ondoren, hain zuzen ere, ekainaren 17an, Montehermoso Kulturuneko Ortuño aretoan.