Arabako Arte Eszenikoen Tailerrak (TAE Araba) 2026-2027 ikasturterako matrikulazio epea ireki du gaur. Aurten ere, eskolak prestakuntza proposamen askotarikoa eta adin guztietara egokitua eskainiko du, 3 urtetik helduarora artekoa.
Ikastaro honetako berrikuntza nagusien artean, nabarmentzekoa da 18 eta 22 urte bitarteko gazteei zuzendutako talde berri bat sartu dela, eta Los Molinos-eko egoitzan emango zaie eskola, 20:00etatik 21:30era.
TAE Arabak ikastaroen ohiko egiturari eutsiko dio, adinaren eta mailaren arabera antolatuta:
• Haurrak eta gazteak:
Prestakuntza hiru adin tartetan banatzen da: 3-5 urte; 6-10 urte eta 11-14 urte, eta talde horiek gaztelaniaz, euskaraz eta ingelesez lan egingo dute.
• Gazteak (15-18 urte):
"Gazteentzako antzerkia" lantzeko ikastaroak eskainiko dira, non talde lana eta sormena sustatuko baitira, ikasleak interpretaziora eta norberaren sorkuntzara hurbilduz.
• Gazteak (18-22 urte):
Berrikuntza gisa, talde espezifiko berri hau sartu da, zeinari esker adin tarte horretarako prestakuntza eskaintza handituko baita.
• Helduak:
"Hastapeneko" eta "Prestakuntza Ieko" ikastaroen eskaintzari eutsi zaio, eta "Antzerki musikala" 18 urtetik gorakoentzat izango da (lehen 15 urtetik gorakoentzat zen).
Matrikulazioa gaur, uztailak 6, irekiko da, eta online egingo da www.tae.araba.eus webgunearen bidez.
Epea irailaren 8ra arte egongo da zabalik.
Zalantzak argitzeko, telefonoz ere jar zaitezke harremanetan (945 28 45 42), edo posta elektronikoz (tae@araba.eus).
Hona hemen egutegia:
• Matrikula eskaera: 2026ko uztailaren 6tik irailaren 8ra • Onartutakoen zerrendak argitaratzea: 2026ko irailaren 9a • Plazak formalizatzea: 2026ko irailaren 10etik 16ra • Ikastaroaren hasiera: 2026ko urriaren 1a
TAE Arabak urteko tarifa publikoak aplikatzen ditu, osorik edo hainbat kuotatan ordain daitezkeenak, eta hainbat hobari ditu:
• Familia ugariak, kategoria orokorra: % 20
• Familia ugariak. Kategoria berezia: % 50
• Gutxienez bi seme-alaba matrikulatuta dituzten familiak: % 20 bigarren seme-alabatik aurrera
• Langabeak: % 20
• DSBEa edo BGDa jasotzen duten pertsonak % 20
• % 33ko desgaitasun maila edo handiagoa egiaztatzen duten ikasleak % 20
• Genero indarkeriaren biktima diren emakumeak eta beren seme-alabak: % 20
Eskaintza honekin, Arabako Arte Eszenikoen Tailerrak lurraldeko kultura eta arte prestakuntzarekin duen konpromisoa berresten du, eta, horretarako, sormena, adierazpena eta arte eszenikoetarako sarbidea sustatzen ditu herritar guztientzat.
