Miren Josune (Gurutze Beitia), alaba zintzoa, eta Karmentxu (Ylenia Baglietto), haren alaba eta Bilboko Greca izenez ezagunagoa dena, izango dira familiako amatxiaren errautsak jaioterrira, Segoviako herri batera, eramateko arduradunak.
Maité (Maribel Salas), urte luzez inork ikusi ez duen alaba galdua, hiletara agertuko da ere. Hiru emakumeak ezerezetik urrun, bazter galdu batean, harrapatuta geratuko dira.
Greziar tragedia baten moduan hasten den istorio hau abentura ero bihurtuko da: nostalgia, barreak, abestiak eta pistolak nahastuko dira Gaztelako paraje bakarti batean. John Wayne ez da agertzen, baina hau western bat da; kastañuela-western bat.
«Oroimenean arakatzea bidaia zahar baten maletategia irekitzea bezalakoa da; txoko sakon eta nahasi bat, non denboraren ironiak, isilean, bizitza oso baten sedimentua metatu duen.»
Fitxa artistikoa:
