Kuba, 1994ko uda. Televisió de Catalunyako berriemaile talde bat uhartera joan da, AEBetara emigratzeko txalupak prestatzen ari diren hainbat pertsona elkarrizketatzera. Zazpi urtez, taldeak pertsona horien eta haien familien arrastoari jarraituko dio, eta Balseros filma izango da lan horren emaitza. Dokumental liluragarri honek plano politikoan kokatzen ditu istorio pertsonalak, unibertsal bihurtzeko: esperientzia bakoitzak milaka pertsonarena irudikatzen du, noiznahi eta nonahi.