John Dowland musikagilearen heriotzaren 400. urteurrenaren kariaz, programa honek ingeles musikako bi musikari handiren ibilbidea dakarkigu: Sentsibilitate artistiko sakonak elkartu zituen John Dowland eta Henry Purcell musikariak, nahiz eta bien artean mendeko beteko aldia egon. Time Stands Still izenburuaren ildoan, konturatuko gara musikak denbora gainditu egiten duela eta aldi oro hunkitzeko gaitasunari eusten diola. Dowlandek, laute jotzaile ospetsu eta isabeldar Ingalaterrako musikagileak, maitasuna, malenkonia, nostalgia eta denboraren igaroa bikain erabili zituen bere lute songs direlako pieza finetan, non ahotsa eta lautea aparteko sotiltasunez mintzatzen ziren. Lauteak, Errenazimentuko tresna ospetsuak, adierazpen sakonena darion intimitatea eskaintzen du. Mende bat geroago, Purcellek oinordetzan jaso eta berritu zuen tradizio hori indar dramatiko handiko molde barrokoa erabiliz, non musika eta hitzak bat egiten duten eta gaur egungo publikoa ere hunkitzen jarraitzen duten emozio unibertsalak adieraziz.