2026ko Mikel Albisu Antzerki erakustaldia irailaren 25etik 27ra bitartean izango da.

Erakustaldi honek asteburu oso-osorik proposatzen du amateur antzerkirik onenaz gozatzeko, askotariko eta talentuz beteriko proposamenekin. Oholtza gainean, barre eginarazi, hunkitu eta hausnartzera gonbidatuko gaituzten istorioak taularatuko dituzten antzerki-konpainiak izango dira protagonista.

Kai Errea taldearen herrialde baten historia kontatzen duen trilogiatik hasi eta Druida Teatro taldeko adinekoen abentura zoroetaraino. Horrez gain, Kumen taldearen Tartufo klasikoaren berrirakurketa eta Aimara taldearen Lorcaren testu ospetsu baten moldaketa ere izango dira ikusgai.

Egitaraua: 

Irailak 25

• 19:30 | "40 años de paz", Kai Errea

Irailak 26

• 19:30 | "Senectute", Druida Teatro

Irailak 27

• 12:30 | "El público (de Federico García Lorca)", Aimara Antzerki Taldea

• 19:30 | "Tartufo play", Kumen Teatro