2026-2027ko Bernaola Zikloaren barne.

The Half Moon Alicia Amo sopranoak (biolin-jotzailea ere bada) eta Andoni Mercero biolin-jotzaileak osatzen dute. Programa harrigarri bat aurkezten dute, György Kurtág konpositoreari bere mendeurrenean omenaldia eginez. Egitarauan Kurtágen Signs, Games and Messages eta Kafka-Fragmente daude, eta Vaughan Williams, Berio, Prokofiev, Alberto Hortigüela, Jesús Torres eta Villa-Lobosen obrak ere bai, ahotserako eta biolinerako, biolin bakarrerako eta soprano bakarrerako.

Alicia Amo Espainiako musikaren ahots moldakorrenetako bat da. Musikenen lortu zuen biolinaren goi-mailako titulua eta Schola Cantorum Basiliensisen ikasi zuen kantua, ohorezko matrikulaz. Kantu-lehiaketak irabazi ditu Granadan, Berlinen, Manhattanen eta Napolin, eta orkestra sinfoniko ugarirekin eta Europako antzoki eta areto handietan abestu du bakarlari gisa.

Andoni Mercero antzinako musikaren eta ganberako musikaren esparruko Espainiako interpreterik ezagunenetakoa da. Biolin-jotzailea, biola-jotzailea eta zuzendaria da, eta Casals eta Granados laukoteetako kide izan da. Gaur egun Sokako Kuartetoaren irakasle da Musikenen.