Zinemastea Dokumentala, Vital Fundazioak antolatuta, gaurkotasuna eta kalitatea uztartzen dituen genero bati protagonismoa ematen dion ekimena da. Urtero udazkenean, hamar ediziotik gora daramatzala, azken hilabeteetako dokumentalik onenak aurkezten dira, askotariko gaiak jorratzen dituztenak, baina guztiak euskal profesionalek zuzenduak.
Hamabigarren edizio honetan, jardunaldi bakoitza dokumentalaren aurkezpenarekin hasiko da, eta ondoren haren proiekzioa egingo da. Jarraian, solasaldia izango da protagonistekin, eta ikusleek modu aktiboan parte hartu ahal izango dute. Gainera, 2014az geroztik, herri-bozketa bidez lanik onena aitortzen da, eta saria urtarrilean Zinemastearen galan banatzen da.
