Errio Oria ibaiaren eta Orioko errioaren historia kontatzen duen dokumentala da. Nagore Urdapilleta arraunlariak gidatuta, itsasotik Aginagako Mapilera egiten dugu bidaia, ibai-bazterretan gordetzen diren altxorrak ezagutuz: Altxerriko leizea, balea-arrantza, Europa osoan ezagunak ziren ontziolak eta baserri-bizitza. Galdera nagusia da nola lehiatu zitekeen ibai txiki bat Europako ibai handiekin XVI. mendetik aurrera. Bidaian zehar, oriotarren testigantzek iragana gaur egungo belaunaldiei hurbiltzen diete.