Nork erakutsi digu maitatzen? Gure harremanak izateko moduetako zenbatek dute zerikusia bizitakoarekin, gure zauriekin edo maitasun erromantikoaren mitoekin? Isa Duque, @lapsicowoman izenez ezagunagoa, La Sinsorgara dator AMOR(ES): entiende el amor, sin dramas ni cuentos (Savanna Books) liburua aurkeztera. Loturei buruz hitz egiteko liburu bat: bikote-harremanak, adiskidetasunak, familia, komunitatea eta geure buruarekin dugun harremana ardatz hartuta.
Elkarrekin pentsatzeko aukera bat: nola harremantzen garen hausnartzeko, maitasunari buruz ikasi duguna zalantzan jartzeko eta elkar maitatzeko beste modu batzuk aztertzeko, ikuspegi feministatik eta harreman perfektuak izateko presiorik gabe.