El Diario Vasco egunkariaren Gabonetako 33. Kontzertuak musika klasikoko errepertorio zabala eskainiko du aurten, Juanjo Ocón maisuaren zuzendaritzapean, Euskadiko Orkestraren eta Landarbaso Abesbatzaren eskutik.
Oraingo honetan, nazioartean ospe handia duen María Berasarte abeslari donostiarra ere izango dugu gure artean. Bere ahots bereziagatik eta sentikortasun artistikoagatik nabarmentzen da; izan ere, Portugalgo fadoa, Iberiar penintsulako sustraietako musikak eta gaur egungo soinuak uztartzen ditu.
Bilaketa artistikoak eta emozioak markatutako ibilbidean, mundu osoko agertokietara eraman du bere musika-unibertso berezia, euskal sustraiekiko lotura galdu gabe.