
Bernaola Zikloaren XXIII. edizioak 16 kontzertuk osatutako proposamen ausart eta anitza aurkeztu du, gaur egungo soinuak arakatzeko gonbidapena egingo duena. Urriaren 25etik otsailaren 28ra arte, kokapen desberdinetan ibiliko dira, guztiak esperientzia paregabea eskaintzeko aukeratuak, arkitektura eta abangoardia musikala uztartuz.
Sonografia Irudipenak
Sonograma baten antzera, gure soinu-uhinek euskal geografia zeharkatu dute. Gure inguruko toki ezberdinetan garai batean egindako audio zein bideo grabaketak eta toki horietan gaur egun egindako zelai-grabaketak erabiliz, pieza propioak sortu ditugu, leku hauen soinu-espazioen bilakaera kontuan hartuz. Grabaketa zaharrak, gure sorkuntzak eta gaur egun toki horietan ematen diren fenomeno auditiboak lotuz.
Sarrera librea lekuak bete arte.