EZEZEZ taldeak Donostiako Dabadaba aretoan joko du urtarrilaren 23an.
EZEZEZ talde bilbotarra 2021ean sortu zen, Unai Madariaga, Eneko Ajangiz, Mikel Irigoyen eta Álvaro Olaetxeak osatua. Popa, punka, grungea eta rocka uztartzen dituzte, funkaren eta reggae-aren ukituekin, esperimentazioa eta umorea alde batera utzi gabe. Euren proposamena estiloen arteko nahasketa ausarta da, zuzeneko indartsu eta dibertigarriekin. 2023an Katuzaldia bigarren diskoa kaleratu zuten, eta 2025ean Kabakriba, euren hirugarren lana. Euskarak leku berezia du taldearen nortasunean, eta euskarazko zein gaztelaniazko hitzak uztartzen dituzte zenbait kantutan.