2021eko Arabako Antzinako Musika Astearen barruan.
Antonio Serranok (Madril, 1974) inork ez bezala lagundu du itxuraz umila den tresna bati balio berezia ematen, tresna hori genero jakin batzuetan soilik erabili daitekeelako ustearen aurka. Harmonikari buruz ari gara. Berak kontzeptu hori irauli eta erauzi du, behin betiko. Bere eskuetatik pasa dira berak zein besteek egindako lanak, artista erraldoiekin garatutako lankidetza (Paco de Lucía, Wynton Marsalis, Barbara Hendricks), orkestrarako joan-etorriak... Eta, noski, jazz europarreko izen saihestezina bihurtu da. Hori dela eta, ez da harritzekoa Bachekin ere harmonika sartzea. Ez eta Fender Rhodes bezalako teklatuekin uztartzea ere. Imajinatu ezin zen hori egia bihurtzen da Antoniorekin. Bachen gaineko hurbilketa historikoa dakarkigu, jazzaren arloko dibagazioekin batera.