Musikagileak 2024-2025: Musika Garaikidarean Zirkuituaren barne.
Musi Meet topaketak Elkarteko musikagileak eta kultur arloko eragile gonbidatuak bilduko ditu gaur egungo musikaren panoramako funtsezko gaiak eztabaidatzeko. Asoziazionismoaz edo/eta musika garaikidearen programazioaren erronkaz hitz egingo da, besteak beste. Hitzaldien eta mahai-inguruen bidez, gaurkotasuneko hainbat gairi helduko zaio, eta elkartrukerako gune bat sustatuko da, publikoa musika sorkuntzaren eta joeren inguruan hausnartzera gonbidatuz.
Jardunaldi hauen helburua musikaren sektoreko hainbat eragile gonbidatzea da, sorkuntzarekin eta gaur egungo musikaren esparruarekin lotutako hainbat alderdiri buruz hausnartzeko eta esperientziak eta iritziak partekatzeko. Asoziazionismoa, musika garaikidea hainbat testuingurutan programatzeko erronkak edo musika instrumentalean ahotsaren transkripzioa izango dira egun honetan jorratuko diren gaietako batzuk. Aurkezpena amaitzeko, San Telmo Museoak eta Musikagileak elkarteak hamar urtez museoan antolatzen dituzten proiektu tematikoei buruzko aurkezpena egingo da, proiektu horien helburu nagusia den gure ondarearen berrinterpretazio musikala balioetsiz.
Topaketa ekitaldi-aretoan izango da.
