OSTERA 2024 Kultur Festibalaren barruan.

Gari (ahotsa, gitarrak), Alex Alonso (bateria, programazioak), Oier Aldekoa (baxua, ahotsak), Miguel Moyano (gitarra, programazioak, ahotsak), Iker Lauroba (teklatua, ahotsak)  

Gari & Maldanberak martxoan argitaratu duen Behin bizitzea disko berria aurkeztuko du. Elkarren eskutik, urtarrilean grabatu du eta talde-laneko albuma da. Letra izugarri ederrak dituzten abestiak jaso ditu, gehienak idazle ezagunek idatzitakoak, eta dinamika zein armonia ezberdinekin jolasten dutenak.

Berez, Gariren bertuteetako batekin jantziak diren kantak dira. Izan ere, entzulea ia konturatu gabe, izugarria da tonu batetik bestera trantsizioa egiteko duen trebetasuna eta aldaketa horiek abestiak are ederragoak egiten dituzte.