Led Silhouette Martxel Rodriguez nafarrak eta Jon López madrildarrak sortu eta zuzenduriko dantza-konpainia da. Lesakan du egoitza, Nafarroan. 2016an hasi ziren sormen lanetan, La Veronal konpainian interprete jardutearekin batera.

Mugimendu-molde eta kontzeptu berriak ikertzen dituzte, dantza garaikideari buruzko euren ikuspegi propioa eskaintzeko asmoz. Zenbait jaialdi eta zirkuitutan aritu izan da konpainia, horien artean Madrid en Danza, Temporada Alta, Escena Patrimonio, Dança Almada Hamabostaldia (Portugal), etab.

Halley epopeia garaikide bat da, kometa berriro agertu eta dena berriro hasi aurretik antolatu behar izatearen erronkari aurre egin behar dion talde baten ibilbide desesperatua. Zama handiak daramatzaten pertsonaiak, bidea ibili behar duten eta zorionetik aldentzen dituzten ezbehar eta akatsak gainditu nahi dituztenak. Ilusioa ez da jaten, baina elikatu egiten du. Zalantzaren eta bilaketaren aurrean adorea izan nahia, estutasun-une batean, oraina ulertzea eta etorkizuna aurreikustea ahalbidetuko duen halako sentikortasunaren adierazpen bat.

• Artistak: Katalin Arana, Lucía Burguete, Marina Fullana, Laura Lliteras, Marcos Martincano, Nicolás Martínez, Edoardo Ramírez, Diego Pazó.
• Konpainia: Led Silhouette